پیوٹن کاخانہ جنگی نہ کرنے پر ویگنر گروپ کا شکریہ

روس کے صدر نے خانہ جنگی نہ کرنے پر نجی ملیشیاویگنر گروپ کا شکریہ ادا کرتے ہوئے کہا کہ ویگنر گروپ کو اندھیرے میں رکھ کر اپنے ہی مسلح بھائیوں کیخلا ف استعمال کرنے کی کوشش کی گئی ۔پیوٹن نے کہاکہ اس لیے انہوں نے شرو ع میں ہی براہ راست احکامات دیدیے تھے کہ خونریزی سے اجتناب برتا جائے ۔ان کا کہنا تھا کہ ویگنر گروپ میں شامل اہلکار وزارت دفاع یا کسی اور ادارے میں شامل ہوجائیں ، یاملازمت چھوڑ دیں جو بیلاروس جانا چاہتا ہے اسے ملک چھوڑنے کی اجازت ہوگی ۔پیوٹن نے مزید کہا کہ ویگنر گروپ کے زیادہ ترکمانڈر اور فائٹرز روسی محب وطن ہیں ، ویگنر گروپ میں میدان جنگ میں جرات دکھائی اور ڈونباس کو آزاد کرایا۔