عمر ایوب کا بجلی نرخ میں پھر اضافے پر ردعمل

پی ٹی آئی کے سیکریٹری جنرل اور سابق وفاقی وزیر عمر ایوب نے بجلی نرخ میں ایک بارپھر اضافے پرردعمل دیاہے۔اسلام آباد سے جاری بیان میں عمر ایوب نے کہا کہ بجلی کے نرخ میں پھر 1 اعشاریہ 25 روپے فی یونٹ کا اضافہ کیاگیا ہے۔انہوں نے کہاکہ پی ڈی ایم حکومت میں 1 ماہ کے دوران بجلی کی قیمتوں میں یہ تیسرا اضافہ ہے۔پی ٹی آئی سیکریٹری جنرل نے مزید کہا کہ پاکستانی روزانہ 15 گھنٹے سے زائد کی لوڈ شیڈنگ کا شکار ہیں۔ان کا کہنا تھا کہ نہ ہونیوالی بجلی کیلئے بھی مہنگی قیمت ادا کرنی پڑ رہی ہے ۔