عمران خان کو 23 مئی کو پھر گرفتاری کا خدشہ

چیئرمین پی ٹی آئی عمران خان نے 23 مئی کو نیب پیشی کے موقع پر اپنی گرفتاری کا پھر سے امکان ظاہر کیا ہے ۔امریکی نشریاتی ادارے سے بات کرتے ہوئے عمران خان نے کہا کہ 80 فیصد یقین ہے کہ منگل کو مجھے پھر گرفتار کرلیاجائیگا۔عمران خان نے اپنی گرفتاری پر ردعمل کو اپنی پارٹی ختم کرنے کی سازش قرار دیتے ہوئے کہا کہ خواتین اور سینیئر قیادت سمیت ان کی پارٹی کو دس ہزار سے زائد کارکن زیر حراست ہیں ۔چیئرمین پی ٹی آئی عمران خان نے ایک بارپھر جنرل باجوہ کی شکایت لگاتے ہوئے اپنی حکومت ختم کرنے کا انہیں ذمہ دار قرار دیا ۔ان کا کہنا تھا کہ مجھے آج تک سمجھ نہیں آیا کہ جنر باجوہ کو مجھ سے ایسا کیا مسئلہ ہوا کہ پی ٹی آئی کی حکومت ختم کردی ۔