لاہور:انسداد دہشت گردی عدالت نے عمران خان کے بھانجے اور علیمہ خان کے بیٹے شاہ ریز کا نو مئی کیس میں پولیس کی درخواست پر 8 روزہ جسمانی ریمانڈ منظور کر لیا جبکہ پولیس نے دوسرے بیٹے شیر شاہ خان کو بھی گرفتار کر لیا۔ علیمہ خان کے دوسرے بیٹے شیر شاہ خان کو ان کی رہائش گاہ کے قریب سے حراست میں لیا گیا، گرفتاری سادہ کپڑوں میں ملبوس افراد نے کی جبکہ ان کے ساتھ پولیس اہلکار بھی موجود تھے۔قبل ازیں عمران خان کے بھانجے اور علیمہ خان کے بیٹے شاہ ریز عظیم کو 9 مئی جلا گھیرا کے مقدمے میں گزشتہ روز لاہور میں ان کی رہائش گاہ سے گرفتار کیا گیا تھا۔
شاہ ریز عظیم کو آج لاہور کی انسداد دہشت گردی عدالت میں پیش کیا گیا جہاں ان کے کیس کی سماعت خصوصی عدالت کے جج منظر علی گل نے کی۔پولیس نے مقف اختیار کیا کہ ملزم کو 9 مئی کے جناح ہاس حملہ کیس میں ضمنی بیان میں نامزد کیا گیا، ملزم کو کل گرفتار کیا، جس سے فون اور دیگر چیزیں ابھی ریکور کرنی ہیں۔
ملزم کے وکیل سلمان اکرم راجہ نے سوال اٹھایا کہ 27 ماہ گزر گئے، پولیس کو اب ان کے ملوث ہونے کا پتہ چلا؟ ضمنی بیان ڈیڑھ ہزار مرتبہ عدالت میں پڑھا گیا کہیں یہ نام نہیں، کل بانی کی ضمانت ہوئی اور شام کو یہ ان کے بھانجوں کو گرفتار کرنے پہنچ گئے، بدنیتی واضح نظر آرہی ہے۔
شاہ ریز عظیم عالمی لیول کے سپورٹس مین ہیں، کئی بار یہ ملک سے باہر گئے واپس آئے، کبھی کسی مقدمہ میں طلب نہیں کیا گیا، 6 سے 13 مئی تک یہ چترال میں تھے، انہیں فی الفور نہ صرف رہا کیا جائے بلکہ ڈسچارج کیا جائے۔
سلمان اکرم راجہ نے دلائل دیتے ہوئے کہا کہ آپ نے آرڈر دے رکھا ہے کہ اتنی دیر بعد جب آپ ملزمان کو نامزد کرتے ہیں تو اس میں بدنیتی نظر آتی ہے، ان کی والدہ کو آپ پہلے بھی ڈسچارج کرچکے ہیں۔دوسری طرف پولیس نے شاہ ریز عظیم کا 30 دن کا ریمانڈ طلب کیا ، جس پر سلمان اکرم راجہ نے کہا کہ یہ 30 دن کا ریمانڈ مانگ رہے ہیں جو زیادتی ہے۔
عدالت نے ریمارکس دیے کہ ضمنی کی فائل آجائے تو دیکھتا ہوں، پولیس نے شاہ ریز کے خلاف جناح ہاس کیس کا ریکارڈ عدالت میں پیش کیا، ڈی ایس پی لیگل نے بتایا کہ ملزم شاہ ریز جناح ہاس کیس کے علاوہ کسی اور مقدمے میں مطلوب نہیں۔عدالت نے ریکارڈ دیکھنے اور دلائل کے بعد فیصلہ محفوظ کر لیا، بعدازاں عدالت نے پولیس کی درخواست پر فیصلہ سناتے ہوئے شاہ ریز کا 8 روزہ جسمانی ریمانڈ منظور کر لیا۔
Leave feedback about this