طورخم سرحدی گزر گاہ 10 روز بعد تجارتی سرگرمیوں کیلئے بحال

طورخم بارڈر کراسنگ 10 دن بعد تجارتی سرگرمیوں کے لیے دوبارہ کھول دی گئی۔کسٹم ذرائع کے مطابق افغانستان سے پہلی کارگو گاڑی 10 روز بعد پاکستان میں داخل ہوئی۔ذرائع کا کہنا ہے کہ افغان ڈرائیوروں کو سفری دستاویزات تیار کرنے کے لیے 31 مارچ تک کا وقت دیا گیا ہے۔ یکم اپریل سے سفری دستاویزات کے بغیر کارگو گاڑیوں کے پاکستان میں داخلے پر پابندی ہوگی۔کسٹم ذرائع نے یہ بھی بتایا کہ یہ فیصلہ پشاور میں افغان قونصل جنرل اور پاکستانی حکام کے درمیان ہوا۔