شاہین آفریدی نیوزی لینڈ کے خلاف اچھی کپتانی کریں گے، فخر زمان

پاکستان کرکٹ ٹیم کے اوپننگ بلے باز فخر زمان کا کہنا ہے کہ امید ہے کہ شاہین شاہ آفریدی نیوزی لینڈ کے خلاف اچھی کپتانی کریں گے۔لاہور میں میڈیا سے گفتگو کرتے ہوئے فخر زمان کا کہنا تھا کہ مقابلہ کسی بھی ٹیم کے لیے ضروری ہے۔انہوں نے کہا کہ یہ اچھی بات ہے کہ اتنے کھلاڑی ایک پوزیشن کے لیے آئے ہیں، مجھے کپتان اور کوچ کی جانب سے ون ڈاو¿ن کھیلنے کا پیغام ملا ہے۔فخر زمان کا کہنا ہے کہ شاہین آفریدی نے لاہور قلندرز کی اچھی کپتانی کی، پاکستان سپر لیگ (پی ایس ایل) اور انٹرنیشنل کرکٹ میں فرق ہے۔قومی ٹیم کے اوپننگ بلے باز کا یہ بھی کہنا تھا کہ اچھا اور برا وقت ہر کھلاڑی پر آتا ہے، امید ہے بابر اعظم بڑا سکور کریں گے۔