خیبر پور ، پرانی دشمنی پر فائرنگ سے 2 افراد ہلاک ، 5 زخمی

خیرپور کی تحصیل گمبٹ میں پرانی دشمنی پر 2 گروپوں میں فائرنگ سے 2 افراد ہلاک جبکہ 5 زخمی ہوگئے۔پولیس نے بتایا کہ فائرنگ کا واقعہ دیرینہ دشمنی کی وجہ سے پیش آیا اور فائرنگ کی زد میں آکر ایک رکشہ ڈرائیور بھی جاں بحق ہو گیا۔پولیس ذرائع کا کہنا ہے کہ دیرینہ دشمنی کی وجہ سے ہونے والی اس فائرنگ کے نتیجے میں 5 زخمی بھی ہوگئے ہیں جنہیں مقامی اسپتال منتقل کر دیا گیا ہے۔پولیس کا کہنا ہے کہ جاں بحق ہونے والوں کی لاشیں مقامی اسپتال منتقل کر دی گئی ہیں جبکہ اس معاملے کی مزید تحقیقات جاری ہیں۔