تیونس،تارکین وطنوں کی کشتی ڈوبنے سے ہلاکتیں 19 ہوگئیں

تیونس میں افریقی ترکین وطنوں کی کشتی ڈوبنے کے حادثے میں ہلاکتیں 19 ہوگئیں۔ انسانی حقوق گروپ نے کشتی ڈوبنے کے حادثے کے نتیجے میں ان 19 ہلاکتوں کی تصدیق کی ہے۔انسانی حقوق گروپ کے مطابق مذکورہ تارکین وطن بحیرہ روم پارکر کے اٹلی جانے کی کوشش کررہے تھے کہ ان کی کشتی ڈوب گئی، غیر ملکی خبر ایجنسی کے مطابق تیونس میں گذشتہ چار دن کے دوران تارکین وطنوں کی 5 کشتیاں ڈوبی ہیں، تیونس کے کوسٹ گارڈ ز کے مطابق ان چار دن میں اٹلی جانے کی کوشش کرنیوالی 80 کشتیوں کو روکا گیا ہے، تیونس کے کوسٹ گارڈز کا یہ بھی کہنا ہے کہ ان کشتیوں کو روک کر ان میں سوار تین ہزار سے زائد تارکین وطن کو حراست میں لیاگیا ہے۔