بلوچستان میں سرکاری تعلیمی نظام اجاڑ دیاگیا

بلوچستان میں سرکاری تعلیمی نظام اجاڑ دیاگیا ، صوبے میں 8 لاکھ بچے اسکولوں سے باہر ہیں ۔نگراں وزیر تعلیم بلوچستان پروفیسر قادر بخش نے گفتگو کرتے ہوئے کہا کہ صوبے کے 1964 اسکولوں کی چھت اورچار دیواری نہیں جبکہ 3500 اسکول اساتذہ کی کمی کی وجہ سے بند ہیں ۔انہوں نے بتایا کہ بارہ ہزار پرائمری سکولوں میں سے 6 ہزار سکولوں میں صر ف ایک ٹیچر موجود ہے ، گیارہ ہزار سکولوں میں بجلی اور دس ہزار میں پانی کی سہولت نہیں ۔نگراں صوبائی ویر کا کہنا تھا کہ سیلاب سے متاثر 5500 اسکولوں میں سے 50 کی مرمت بھی نہیں کی گئی ہے ۔پروفیسر قادر بخش نے مزید کہا کہ بلوچستان کا شعبہ تعلیم گھمبیر مسائل سے دوچار ہے ۔