ایمل ولی کی عمران خان اور عارف علوی پر تنقید

اے این پی خیبر پختونخوا کے صدر ایمل ولی خان نے صدر مملکت عارف علوی اور چیئرمین پی ٹی آئی عمران خان کو تنقید کا نشانہ بنایا ہے ، صدر اے این پی کے پی کے نے کہا ہے کہ دہشتگردوں کی واپسی کے ذمے داروں کو قانون کے کٹہرے میں لایاجائے ۔انہوں نے مطالبہ کیا ہے کہ عمران خان ،عارف علوی محمود خان اور بیرسٹر سیف کو گرفتار کیاجائے۔ایمل ولی نے اپنے پیغام میں لکھا ہے کہ تخت پنجاب کی لڑائی میں مصروف سیاستدانوں کو علم ہی نہیں ہوگا کہ آج ضلع خیبر، جنوبی وزیراستان میں پی ٹی آئی کے عسکری ونگ ٹی ٹی پی کے دہشتگردوں نے ہمارے بھائیوں کو شہید کیاہے۔انہوں نے لکھا ہے کہ ہم ایک بارپھر دہراتے ہیں کہ دہشتگردوں کو واپس لینے والوں کو فوری طورپر گرفتار کیاجائے