ایشیا کے درجن بھر ممالک ہیٹ ویو کی لپیٹ میں

اسکاٹ لینڈ کے ماہر موسمیات ڈنکین نے کہا ہے کہ ہیٹ ویو ے ایشیا کے درجن بھر ممالک کو لپیٹ میں لے لیا ۔ایک بیان میں ماہر موسمیات اسکاٹ ڈنکین نے کہا کہ تھائی لینڈ میں 14 اپریل کو 45 ڈگری سینٹی گریڈ درجہ حرارت ریکارڈ کیا گیا ۔انہوں نے کہا کہ تھائی لینڈ کی تاریخ میں پہلی بار درجہ حرارت 45 ڈگری سینٹی گریڈ ریکارڈ ہوا ۔اسکاٹ ڈنکین کا کہنا ہے کہ ترکمانستان میں تیرہ اپریل کو 42.2 ڈگری سینٹی گریڈ کے ساتھ اپریل میں گرمی کا نیا قومی ریکارڈ بن گیا ،ماہر موسمیات نے کہا کہ زیادتی شدید گرمی افغانستان ، پاکستان ، بھارت اور جنوب مشرقی ایشیا میں ہے ایشیائی ممالک میں دن گرم ہونے کیساتھ راتیں بھی معمول سے زائد گرم رہی ہیں ۔ان کا یہ بھی کہنا ہے کہ وسط ایشیائی ممالک میں رات میں معمول سے زائد دجہ حرارت ریکارڈ کیا جارہاہے ۔