اعظم سواتی نے چیف جسٹس اسلام آباد ہائیکورٹ پر عدم اعتماد کا خط واپس لے لیا

اسلام آباد:متنازع ٹویٹ کیس کی سماعت کے دوران اعظم سواتی نے چیف جسٹس اسلام آباد ہائیکورٹ پر عدم اعتماد کا خط واپس لے لیا جب کہ سماعت کے بعد عدالت نے فیصلہ محفوظ کرلیا۔ہائیکورٹ میں چیف جسٹس عامر فاروق نے کیس کی سماعت کی جس میں اعظم سواتی کے وکیل ڈاکٹر بابر اعوان پیش ہوئے۔اس موقع پر سینیٹر شبلی فراز دیگر پی ٹی آئی رہنما بھی عدالت میں موجود تھے۔ڈپٹی اٹارنی جنرل ارشد محمود کیانینے عدالت کو بتایا کہ اسپیشل پراسیکیوٹر آج نہیں آئے جس پر چیف جسٹس نے کہا کہ ایف آئی اے کا کیس ہے ان کی ضرورت نہیں۔دوران سماعت اعظم سواتی کے بیٹے نے عدالت میں پیش ہوکر استدعا کی کہ میرے والد نے جیل سے خط لکھا ہے کہ کیس کسی اور بینچ کو بھیج دیں،چیف جسٹس نے ریمارکس دیئے کہ اس قتم کے خطوط عدالت عمومی طورپر نہیں دیکھتی،اس معاملے کو ہمیشہ کے لئے حل کر نے کی خاطر لارجر بینچ تشکیل دیا ہے۔وکیل نے استدعا کی کہ عدالت آج ہی کیلئے سن لیے۔