آئینی ترامیم :پی ٹی آئی سے بات کرنا وقت کا ضیاع ، عظمی بخاری

لاہور: وزیر اطلاعات پنجاب نے کہا ہے کہ پارلیمنٹ کے علاوہ کسی اور ادارے کو آئین کی من پسند تشریح کرنے کا اختیار حاصل نہیں، آئینی عدالت کا قیام میثاق جمہوریت کے مطابق عمل میں لایا جا رہا ہے۔ آئینی ترامیم پر تحریک انصاف سے بات کرنا وقت کا ضیاع ہے۔انہوں نے مزید کہا کہ کل اڈیالہ جیل میں پی ٹی آئی کا وفد آئینی ترمیم پر بات کرنے گیا تو مہاتما 45 منٹ اپنے رونے روتا رہا، بانی پی ٹی آئی آئینی ترمیم کے بدلے این آر او حاصل کرنا چاہتے ہیں جو ملنا نہیں۔اس موقع پر وزیر اطلاعات کا کہنا تھا کہ ایک سال جیل میں رہنے کے بعد بھی انکا مائنڈ سیٹ انتشاری ٹولے کے سرغنہ والا ہے، جن لوٹوں سے بانی پی ٹی آئی وزیراعظم بنے انکو اب غدار کہتے شرم آنی چاہیے۔عظمیٰ بخاری نے کہا کہ جیل میں کوکونٹ اور چقندر کا جوس پینے سے انقلاب نہیں آتے، تحریک انصاف کے ارکان بانی پی ٹی آئی کی ریاست مخالف سرگرمیوں سے بھی تنگ آچکے ہیں، بانی پی ٹی آئی چاہتے ملک میں پھر ایک اور نو مئی ہو جو اب ہم ہونے نہیں دینگے۔وزیر اطلاعات پنجاب نے مزید کہا کہ سپریم کورٹ کا اختیار صرف فیصلے جاری کرنا وضاحتیں جاری کرنا نہیں، آئینی ترامیم پر اتفاق رائے اچھی بات ہے لیکن تحریک انصاف سے بات کرنا وقت کا ضیاع ہے