چیمپئنز ٹرافی، کوئی بیک ڈور چینل نہیں، بھارت کھیلوں کو سیاست کی نذر نہ کرے، پاکستان

اسلام آباد: ترجمان دفتر خارجہ ممتاز زہرا بلوچ نے معمول کی پریس بریفنگ میں کہا کہ پاکستان اور چین کے تعلقات پر قیاس آرائیوں پر یقین نہ کیا جائے، پاک چین تعلقات کو ایجنڈے کے تحت خراب کرنے کی کوشش کی جا رہی ہے۔ ممتاز زہرا بلوچ نے کہا کہ پاکستان اور چین باہمی احترام کے ساتھ ایک دوسرے کی سلامتی کا احترام کرتے ہیں، ہم کسی کو پاکستان اور چین کے اسٹریٹیجک تعلقات کو ڈیل ریل کرنے کی اجازت نہیں دیں گے۔
ترجمان دفتر خارجہ نے فائز عیسی پر حملے سے متعلق سوال کے جواب میں کہا کہ کوئی بھی احتجاج حدود کے اندر ہونا چاہیے، پاکستانی جہاں بھی ہیں انہیں عزت و احترام سے پیش آنا چاہیے، کسی کو بھی گالی گلوچ کی اجازت نہیں۔بھارتی ٹیم کی پاکستان کی آمد کے بارے میں کرکٹ بورڈ ہی کمنٹ کر سکتا ہے، تاہم چیمپئنز ٹرافی کے لیے کوئی بیک ڈور چینل کام نہیں کر رہے اور کھیلوں کو سیاست کی نذر نہیں کرنا چاہیے۔
ممتاز زہرا بلوچ نے کہاکہ کہ پاکستان اور امریکہ کے درمیان طویل دو ستانہ تعلقات ہیں
ہم باہمی مفادات اور ایک دوسرے کے اندرونی معاملات میں عدم مداخلت کی پالیسی پر گامزن ہیں، پاکستان امریکی انتظامیہ میں کسی کی تقرری کا مطالبہ نہیں کرسکتا۔ترجمان دفتر خارجہ مزید کہا کہ زلمے خلیل زاد کے پاس کوئی عہدہ نہیں ، سوشل میڈیا پر سوشل میڈیا پر کسی قسم کے بیان کا جواب نہیں دیا جاسکتا۔