جنوبی کوریا کے معطل صدر گرفتار

سیئول: (جنوبی کوریا کے معطل صدر یون سک یول کو گرفتار کرلیا گیا۔ جنوبی کوریا کے معطل صدر یون سک یول کو گرفتارکرنے کے لیے تفتیش کار ان کی سرکاری رہائش گاہ کے کمپانڈ میں سیڑھیوں کی مدد سے داخل ہوئے۔ تفتیش کار ایک ہزار کے قریب اہلکاروں کے ساتھ صدارتی محل پہنچے تاہم تفتیش کاروں کے پہنچنے پر پہلے تو صدارتی گارڈز اور حامیوں نے مزاحمت کی اور انہیں گرفتاری سے روکا تاہم بعد ازاں انہیں گرفتار کرلیا گیا۔
جنوبی کوریا کے معطل صدر یون سک یول کو بالآخر گرفتار کرلیا گیا ہے، جوائنٹ انویسٹی گیشن ہیڈکوارٹرز نے یون کے وارنٹ گرفتاری پر عمل درآمد کیا۔ اس سے قبل سرچ اور گرفتاری کے وارنٹ دکھانے کے باوجود تفتیش کاروں کو گرفتاری سے روکا گیا تھا، کرپشن انوسٹی گیشن آفس کا کہنا تھا کہ وارنٹ کی تعمیل سے روکنے والوں کو حراست میں لیا جائیگا۔اس سے قبل جنوبی کوریا کے معطل صدر کے ہزاروں حامی بھی صدارتی محل کے باہر ڈھال بن گئے تھے