اسرائیلی حملے میں ہلاک ہونے والے ایرانی کمانڈر کی نماز جنازہ ادا کر دی گئی

اسرائیلی حملے میں شہید ہونے والے ایرانی کمانڈر میجر جنرل رضا موسوی کی نماز جنازہ تہران میں ادا کر دی گئی۔اطلاعات کے مطابق ایرانی سپریم لیڈر آیت اللہ خامنہ ای نے نماز جنازہ پڑھائی۔ایرانی کمانڈر شام میں اسرائیلی حملے میں مارا گیا۔پاسداران انقلاب کے سربراہ جنرل حسین سلامی نے کہا کہ 7 اکتوبر کو اسرائیل کے خلاف طوفان الاقصیٰ آپریشن مکمل طور پر فلسطینی آپریشن تھا۔ان کا مزید کہنا تھا کہ فلسطین کا یہ اقدام 75 سال سے جاری اسرائیلی جبر و بربریت کا جواب ہے۔دوسری جانب ایرانی وزیر دفاع محمد رضا اشتیانی نے کہا کہ ایران مناسب وقت آنے پر اسرائیل کے خلاف جوابی کارروائی کرے گا۔