ایرانی صدر کا ملک میں مہنگائی اور معاشی مشکلات کا اعتراف

ایرانی صدر مسعود پزشکیان نے ملک میں مہنگائی اور معاشی مشکلات کا اعتراف کرتے ہوئے کہا کہ جنگ کے نتیجے میں پیدا ہونے والی مہنگائی سمیت دیگر مسائل کے لیے بھی تیار رہنا چاہیے۔

تہران میں ایک تقریب سے خطاب کرتے ہوئے انہوں نے واضح کیا کہ ایران دباؤ کے سامنے جھکنے کے بجائے اپنے مؤقف پر قائم رہے گا اور دشمن کے خلاف آخری دم تک مزاحمت جاری رکھے گا۔

مسعود پزشکیان نے کہا کہ جنگ کسی نہ کسی مرحلے پر ختم ہونی ہے، بہتر یہی ہے کہ اسے آج ہی ختم کردیا جائے، کیوں کہ ایران اس وقت طاقت اور وقار کی پوزیشن میں ہے۔

ایرانی صدر کا کہنا تھا کہ حالیہ مذاکرات کے ذریعے طے پانے والا معاہدہ ایک بڑی کامیابی ہے، تاہم ایران کسی بھی دباؤ میں آکر اپنے مؤقف سے پیچھے نہیں ہٹے گا۔