مسجد الحرام میں بیت اللہ شریف کی مرمت کا کام مکمل کر لیا گیا جبکہ غلاف کعبہ کو تین میٹر بلند کرکے چاروں اطراف سفید کپڑے سے کور کر دیا گیا ہے۔
حرمین شریفین انتظامیہ کے مطابق بیت اللہ شریف میں گزشتہ ہفتے اندرونی و بیرونی دیواروں کی مرمت کا کام شروع کیا گیا تھا جس کو مجموعی طور پر 47 گھنٹوں میں مکمل کیا گیا ہے جس میں مقام ابراہیم کی تزئین و آرائش بھی شامل ہے.
علاوہ ازیں، ہر سال کی طرح اس سال بھی حج کے شروع ہونے سے قبل غلاف کعبہ کو تین میٹر بلند کر کے اسے سفید کپڑے سے کور کر دیا گیا ہے۔