پاکستان نے سپر ایٹ مرحلے کے اہم میچ میں انگلینڈ کو جیت کیلئے 165 رنز کا ہدف دے دیاہے ۔
تفصیلات کے مطابق پاکستان نے انگلینڈ کیخلاف ٹاس جیت کر بیٹنگ کا فیصلہ کیا اور 20 اوورز میں 9 وکٹوں کے نقصان پر 164 رنز بنائے جس میں صاحبزادہ فرحان 63 رنز کے ساتھ سرفہرست رہے ۔
پاکستان کی جانب سے صائم ایوب اور صاحبزادہ فرحان نے میدان میں اتر کر کھیل کا آغاز کیا ۔تیسرے اوور کی پہلی گیند پر صائم ایوب 7 رنز بنا کر آرچر کی گیند پر کیچ آوٹ ہو کر پولین لوٹ گئے۔ ان کے بعد کپتان سلمان آغا میدان میں اتر لیکن وہ محض 5 سکور ہی بنانے میں کامیاب ہوئے اور ڈاوسن کی گیند پر کیچ آوٹ ہو کر پولین لوٹ گئے۔
ان کے بعد بابر اعظم اور فخر زمان نے 25 ، 25 رنز کی اننگز کھیلی جبکہ شاداب خان 23 رنز بنانے میں کامیاب ہوئے ۔
انگلینڈ کی جانب سے لیام ڈوسن نے 3 ، جوفرا آرچر اور جیمی اوورٹن نے 2 ، 2 کھلاڑیوں کو آوٹ کیا جبکہ عادل راشد نے بھی ایک وکٹ حاصل کی ۔
انگلینڈ کیخلاف اہم میچ میں قومی ٹیم میں اہم تبدیلی کرتے ہوئے فہیم اشرف کی جگہ واپس شاہین آفریدی کو پلئنگ الیون میں شامل کر لیاہے ۔