عالمی سطح پر شرمندگی! بھارت میں اے آئی سمٹ کیسے ہزیمت کا باعث بنا؟وجہ جانیے

نئی دہلی: آرٹیفیشل انٹیلی جنس (اے آئی) سمٹ بھارت کے لیے تباہی میں بدل گیا۔

اے آئی سمٹ کی بدانتظامی اور تنازعات نے ہندوستان کی ترقی اور عالمی ٹیکنالوجی کے نام نہاد بیانیے کو بے نقاب کر دیا ہے۔ بل گیٹس کی تقریر کی منسوخی، چینی روبوٹس کو دیسی ایجاد قرار دینے کے جھوٹے دعوے اور یوتھ کانگریس کے احتجاج نے سمٹ کو مزید متنازع بنا دیا ہے۔

بھارتی میڈیا کے مطابق سربراہی اجلاس کے دوران انڈین یوتھ کانگریس کے کارکنوں نے اپنی شرٹیں اتار دیں اور حکومت مخالف نعرے لگائے۔ مظاہرین کا کہنا تھا کہ امریکا کے ساتھ مبینہ تجارتی معاہدے میں قومی مفادات کو نظر انداز کیا گیا ہے۔

انڈین یوتھ کانگریس کے صدر ادے بھانو نے کہا کہ وزیر اعظم مودی سمجھوتہ کر رہے ہیں اور نوجوانوں کا غصہ صرف سیاسی مسئلہ نہیں ہے بلکہ بے روزگاری اور معاشی بے یقینی کا نتیجہ ہے۔

انہوں نے کہا کہ امریکا کے ساتھ بھارتی ڈیل کا فائدہ صرف امریکا کو ہوگا جب کہ بھارتی کسانوں اور عام شہریوں کو نقصان اٹھانا پڑے گا۔ مودی شاید ایپسٹین فائل میں اپنا نام ڈالنے یا اڈانی کو بچانے کے فیصلے کر رہے ہیں، جس کی قیمت ملک کے نوجوان ادا کر رہے ہیں۔

انہوں نے مزید کہا کہ ملک کی ساکھ کو مظاہروں سے نہیں بلکہ عالمی مجرم کے کہنے پر مودی نے اسرائیل میں رقص کرنے سے نقصان پہنچایا۔

ماہرین کے مطابق ورلڈ ٹیکنالوجی سمٹ کے دوران حکومتی پالیسیوں کے خلاف احتجاج کی یہ شدت سیاست نہیں بلکہ مودی کی پالیسی پر سنگین سوالیہ نشان ہے۔