میں صدر ہوتا تو یوکرین جنگ کبھی نہ ہوتی: ڈونلڈ ٹرمپ

ایریزونا:نومنتخب امریکی صدر ڈونلڈ ٹرمپ نے ایریزونا میں تقریب سے خطاب کرتے ہوئے کہا ہے کہ میں صدرہوتا تو یوکرین جنگ کبھی نہ ہوتی۔انہوں نے کہا کہ کہ صدر پیوٹن نے کہا کہ وہ مجھ سے جلد سے جلد ملاقات کرنا چاہتے ہیں، ہمیں اس جنگ کو ختم کرنا ہوگا، ہم غیر ملکی جنگوں میں داخل ہونا بند کر دیں گے جو امریکا نے مضحکہ خیز انداز میں کی۔
ڈونلڈٹرمپ نے مزید کہا کہ یوکرین تنازع کے حل کے لئے پیوٹن سے ملاقات کا انتظار کروں گا، ہم امریکا کی تاریخ میں ملک بدری کا سب سے بڑا آپریشن شروع کریں گے، پانامہ کینال امریکا نے پانامہ کو دیا، اصولوں پر عمل نہ کیا تو واپس لے لیں گے۔