وزیراعظم کا ٹیکس نظام کو موثر بنانے کیلئے جدید ٹیکنالوجی استعمال کرنے کا حکم

اسلام آباد:وزیراعظم نے ٹیکس کے نظام کو مزید موثر بنانے کے لیے ایف بی آر کو جدید ٹیکنالوجی استعمال کرنے کی ہدایت کردی۔ وزیراعظم محمد شہباز شریف کی زیر صدارت ایف بی آر میں اصلاحات کی پیش رفت کے حوالے سے اجلاس منعقد ہوا۔ وزیراعظم نے ہدایت دی کہ ایف بی آر کے افسران کی پیشہ ورانہ استعداد میں اضافے اور اسے مثر طور پر بروئے کار لانے کے لیے اقدامات اٹھائے جائیں۔شہباز شریف نے پاکستان ریونیو آٹومیشن لمیٹڈکی تعمیر نو کے لیے لائحہ عمل تشکیل دینے کی ہدایت کی اور کہا کہ ملک میں ٹیکس کے نظام کو مثر بنانے کے لیے جدید ٹیکنالوجی کا استعمال انتہائی اہم ہے۔شہباز شریف نے ملک میں اسمگلنگ کی روک تھام کے نظام کو مزید مثر بنانے کی ہدایت دی اور کہا کہ ایف بی آر میں ٹیکس دہندگان کے لیے دوستانہ ماحول فراہم کیا جائے۔شہباز شریف نے متعلقہ افسران کو تمام ایف بی آر اصلاحات کی بروقت تکمیل یقینی بنانے کی ہدایت بھی کی۔