چیئرمین پی ٹی آئی کو پارٹی عہدے سے ہٹانے کی سماعت نو نومبر تک ملتوی

الیکشن کمیشن نے چیئرمین پی ٹی آئی کیخلاف کیس کی سماعت نونومبر تک ملتوی کردی ۔چیئرمین پی ٹی آئی کو پارٹی عہدے سے ہٹانے کے کیس کی سماعت الیکشن کمیشن میں ہوئی ۔چیف الیکشن کمشنر سکندر سلطان راجہ کی سربراہی میں 5 رکنی بینچ نے سماعت کی ۔ممبر کمیشن نے چیئرمین پی ٹی آئی کے وکیل سے سوال کیا کہ آپ کی پاور آف اٹارنی کہاں ہے؟وکیل بیرسٹر گوہر نے کہا کہ جوابدہ جیل میں ہیں، جمعرات کے علاوہ ملاقات نہیں کرنے دیتے ، اگلی سماعت پر جواب فائل کردونگا۔