فیصل آباد سے سوہن حلوے کی آڑ میں منشیات اسمگل کرنے کی کوشش ناکام

ائیر پورٹس سکیورٹی فورس کے عملے نے فیصل آباد ائیر پورٹ پر کاروائی کرتے ہوئے شارجہ جانیوالے مسافر سے 3.2 کلو گرام آئس ہیروئن برآمد کرلی ۔ترجمان کے مطابق مسافر اشرف علی نے سفری بیگ کے اندر موجود سوہن حلوے کے 2 ڈبوں میں حلوئے کی تہہ کے نیچے مہارت سے منشیا ت چھپا رکھی تھی ۔انہوںنے کہا کہ اے ایس ایف کے عملے نے سامان کی تلاشی کے دوران منشیات برآمد کرکے اسمگلنگ کی کوشش ناکام بنا دی ان کا کہنا ہے کہ ملزم کو ابتدائی تفتیش کے بعد برآمد شدہ منشیات سمیت مزید قانونی کارروائی کیلئے اینٹی نارکوٹیکس فورس کے حکام کے حوالے کردیاگیا