مریم صفدر اپنی سرجری کیلئے لندن سے جنیوا کیلئے روانہ ہوگئیں

اسلام آباد:مسلم لیگ ن کی سینئر نائب صدر مریم صفدر اپنی سرجری کے لئے آج لندن سے جنیوا کے لئے روانہ ہوگئیں۔اس حوالے سے وفاقی وزیر اطلاعات ونشریات مریم اورنگزیب نے سماجی روابط کی ویب سائٹ ٹویٹر پر کہا کہ مسلم لیگ ن کے قائد نواز شریف بھی ان کے ساتھ ہیں۔انہوں نے مزید بتایا کہ مریم صفدر چیف آرگنائزر کے طورپر اپنی نئی ذمہ داریاں سنبھالنے کے لئے جنوری کے تیسرے ہفتے میں پاکستان واپس آئیں گی۔