وزیراعظم کے داماد نے بھی اسلام آباد ہائیکورٹ سے حفاظتی ضمانت مانگ لی

اسلام آباد:وزیراعظم شہباز شریف کے داماد ہارون یوسف عزیز نے حفاظتی ضمانت کیلئے اسلام آباد ہائیکورٹ سے رجوع کرلیا۔ہمارے نمائندے کے مطابق ہارون یوسف عزیز شہباز شریف کے خلاف آمدن سے زائد اثاثوں کے کیس میں شریک ملزم کے طورپر نامزد ہیں۔اسلام آباد ہائیکورٹ میں دی گئی درخواست میں موقف اختیار کیا گیا ہے کہ احتساب عدالت لاہور میں ریفرنس نمبر22/2020زیر سماعت ہے۔احتساب عدالت لاہورمیں پیش ہونے کے لئے دو ہفتوں کی حفاظتی ضمانت منظور کی جائے۔