ہردیپ سنگھ نجر کے قتل میں تین نہیں چھ ملزم ملوث تھے ، امریکہ

امریکہ نے انکشاف کیا ہے کہ کینیڈ ا میں قتل خالصتان تحریک کے رہنما اور مقامی گورودوارے کے سربراہ سنگھ نجر کے قتل میں تین نہیں چھ ملزم ملوث تھے ۔امریکہ نے یہ دعویٰ عینی شاہدین اور سی سی ٹی وی کیمرہ ویڈیو کی بنیاد پر کیا ہے ۔رپورٹ کے مطابق ہردیپ سنگھ نجر کے قتل میں ملوث ملزمان نے ایک نہیں بلکہ دو گاڑیاں استعمال کیں اور نجر کا قتل پہلے رپورٹ کیے گئے واقعہ سے کہیں زیادہ منظم تھا۔نجر کی گاڑی کو ملزمان کی ایک گاڑی نے پارکنگ ہی میں روکا اور اچانک نمودار دو نقاب پوش ملزمان نے فائرنگ کی ، ملزمان نے پچاس گولیاں برسائیں جن میں سے 34 ہردیپ سنگھ نجر کو لگیں ۔