کور کمانڈر پشاور لیفٹیننٹ جنرل حسن اظہر حیات جنوبی وزیرستان کے دورہ پر گئے، جہاں وہ ‘سراروغہ’ میں محسود جرگہ کے دوران قبائلی عمائدین سے ملے۔
پاک فوج کے شعبہ تعلقات عامہ (آئی ایس پی آر) کے مطابق کور کمانڈر پشاور نے اس موقع پر کہا کہ دہشت گردی کے خلاف جنگ میں لوگ مسلح افواج کے ساتھ مل کر لڑے ہیں، پاک فوج سماجی و اقتصادی ترقی کے لیے جاری کوششوں میں ہر ممکن مدد فراہم کرے گی۔
آئی ایس پی آر کا کہنا ہے کہ قبائلی عمائدین کی جانب سے امن کی بحالی پر پاک فوج سے اظہار تشکر کرتے ہوئے مسلح افواج کو غیرمتزلزل حمایت کی یقین دہانی کرائی گئی۔
اس موقع پر کور کمانڈر حسن اظہر حیات نے قبائل کی قربانیوں کو سراہتے ہوئے کہا کہ ان قربانیوں کی بدولت دہشت گردوں کے خلاف بے مثال کامیابیاں ممکن ہوئیں۔