کراچی میں 29 مارچ سے بارش کاامکان

کراچی میں 29 مارچ کی شام یارات سے تیس مارچ کے دوران بارش کاامکان ہے موسمیاتی تجزیہ کار جواد میمن نے کہاکہ سسٹم کے زیر اثر کہیں معتدل اور کہیں ہلکی بارش کا امکان ہے، جواد میمن نے کہا کہ کراچی کے مضافات میں اس سسٹم کے زیر اثر ژالہ باری بھی ہو ستکی ہے ان کا کہنا ہے کہ کراچی میں سمندری ہواؤں کی رفتار کم ہے آج دن کا درجہ حرارت 32 سے 34 ڈگری سینٹی گریڈ تک پہنچنے کا امکان ہے انہوں نے کہا کہ مغربی ہواؤں کے سلسلے کے باعث کراچی میں ہواؤں کا رخ مغرب اور شمال مشرق رہ سکتا ہے ہواؤں کا سلسلہ 28 مارچ سے ملک پر اثر انداز ہوسکتا ہے جواد میمن کا کہنا ہے کہ سسٹم کے زیر اثر دو اپریل تک ملک کے بیشتر مقامات پر بارش اور بالائی علاقوں میں برفباری متوقع ہے۔