کراچی ، ماڑی پور سے بھارتی خفیہ ایجنسی ، را ‘ کا مبینہ جاسوس گرفتار

کراچی کے علاقے ماڑی پور سے اسپیشل انویسٹی گیشن یونٹ (ایس آئی یو)نے مبینہ بھارتی جاسوس کو گرفتار کرلیا۔پولیس کے مطابق مبینہ جاسوس سے ہینڈ گرنیڈ، آوان بم، لانچر، نائن ایم ایم پستول اور مختلف محکموں کے سروس کارڈز برآمد ہوئے ہیں۔ملزمان کے پاس مختلف ناموں کے پاسپورٹ اور شناختی کارڈ بھی تھے۔پولیس کا کہنا ہے کہ ملزم بھارتی خفیہ ایجنسی را کا جاسوس ہے، اس کے قبضے سے منوڑہ اور چائنا پورٹ کے نقشے بھی برآمد ہوئے ہیں۔ملزم کے خلاف اسپیشل انویسٹی گیشن یونٹ میں مقدمہ درج کر لیا گیا ہے۔