ڈالر اوپن مارکیٹ اور انٹر بینک میں مہنگا

ایک مہینے سے زائد عرصہ اپنی قدر میںکمی کرنیوالا امریکی ڈالر پھرمہنگا ہونے لگا ہے ۔آج امریکی ڈالر اوپن مارکیٹ میں تین روپے جبکہ انٹر بینک میں ایک روپے 47 پیسے مہنگا ہوگیا انٹر بینک میں ڈالر 1 روپے 47 پیسے مہنگا ہونے کے بعد 278 روپے 50 پیسے کا ہو گیا ۔گذشتہ روز کاروبار کے اختتام پر انٹر بینک میں ڈالر 277 روپے 03 پیسے کا تھا۔دوسری جانب اوپن مارکیٹ میں ڈالر 3 روپے مہنگا ہونے کے بعد 280 روپے کا ہوگیا ۔گذشتہ روز کا روبار کے اختتام پر اوپن مارکیٹ میں ڈالر 277 روپے کا تھا۔پاکستان اسٹاک ایکسچینج میں آج مثبت رجحان دیکھنے میں آرہا ہے ۔پاکستان اسٹاک ایکسچینج کا سو انڈیکس 101 پوائنٹس کے اضافے سے 49 ہزار 632 پر آگیا ۔گذشتہ روز کاروبار کے اختتام پر 100 انڈیکس 49 ہزار 531 پوائنٹس پر بند ہوا تھا۔