چین نے پاکستان کا دو ارب ڈالر کا قرض رول اوور کردیا

چین نے پاکستان کو دیے گئے دو ارب ڈالر کے ڈپازٹ کی واپسی میں تاخیر کر دی ہے۔وزارت خزانہ کے ذرائع کے مطابق چین کی جانب سے جمع کرائے گئے دو ارب ڈالر کی مدت 23 مارچ کو ختم ہونی تھی، چین نے رقم کی ادائیگی کی تاریخ سے پہلے ہی رول اوور کر دیا۔وزارت خزانہ اور چینی حکام کے درمیان دو ارب ڈالر کے ڈپازٹ رول اوور کرنے کے لیے رابطے ہوئے جب کہ نگراں وزیراعظم انوار الحق کاکڑ نے چینی وزیراعظم لی کی چیانگ کو خط لکھ کر اس حوالے سے درخواست کی ہے۔چین نے پاکستان کو مجموعی طور پر 4 ارب ڈالر کا قرضہ بطور سیف ڈپازٹ دیا ہے جس سے پاکستان پر بیرونی ادائیگیوں کا بوجھ کم ہوا ہے۔واضح رہے کہ چند روز قبل متحدہ عرب امارات نے بھی پاکستان کے لیے 2 ارب ڈالر کا قرضہ دیا تھا۔