چیمپئنز کپ: گیری کرسٹنکی سرپرستوں، ہیڈ کوچز سے ملاقات

فیصل آباد: قومی ٹیم کے وائٹ بال فارمیٹ کے ہیڈ کوچ گیری کرسٹن نے چیمپئنز ون ڈے کپ کے مینٹرز اور ہیڈ کوچز سے ملاقات کی۔پاکستان کرکٹ بورڈ(پی سی بی)نے ٹورنامنٹ میں شریک ٹیموں کے ساتھ ہیڈ کوچ کی ملاقات کی ویڈیو شیئر کی، میٹنگ کے دوران مینٹرز اور ہیڈ کوچز نے مختلف پہلوں پر تبادلہ خیال کیا۔کوچ کے ساتھ ہائی پرفارمنس اسپیشلسٹ ڈیوڈ ریڈ اور ڈائریکٹر ایچ پی اینڈ چیمپئنز کپ ندیم خان نے بھی سیشن میں شرکت کی۔اس موقع پر مینٹرز اور ہیڈ کوچز سے بات کرتے ہوئے گیری کرسٹن کا کہنا تھا کہ افراد میچ جیت سکتے ہیں لیکن ٹیمیں سیریز اور ٹائٹل جیتتی ہیں، کھلاڑی اپنے مینٹرز سے تجربہ لیتے ہیں اور بہترین حکمت عملی حاصل کرتے ہیں۔گیری کرسٹن نے مینٹرز اور ہیڈ کوچز کو بتایا کہ پاکستان کے پاس باصلاحیت کرکٹرز ہیں جنہیں صرف معمولی ایڈجسٹمنٹ، ریفائنمنٹ اور فائن ٹیوننگ کی ضرورت ہے۔وطن واپسی سے قبل قومی ٹیم کے وائٹ بال فارمیٹ کے ہیڈ کوچ گیری کرسٹن چیمپئنز ون ڈے کپ کا پورا میچ دیکھیں گے۔پاکستان کا نومبر 2024 سے اپریل 2025 تک وائٹ بال کرکٹ کا مصروف شیڈول ہے جس میں آسٹریلیا، زمبابوے، جنوبی افریقہ اور نیوزی لینڈ میں T20I اور ODI شامل ہیں۔پاکستان فروری، مارچ میں پاکستان میں منعقد ہونے والی آئی سی سی چیمپئنز ٹرافی 2025 سے قبل ون ڈے سہ فریقی سیریز میں نیوزی لینڈ اور جنوبی افریقہ کی میزبانی کرے گا۔آئی سی سی چیمپئنز ٹرافی 2025 کے بعد پاکستانی ٹیم نیوزی لینڈ کا دورہ کرے گی جب کہ نومبر 2024 سے اپریل 2025 کے درمیان پاکستان کو کم از کم 18 ون ڈے اور 9 ٹی ٹوئنٹی انٹرنیشنل کھیلنے ہیں۔