چیف جسٹس بننے کے بعد جسٹس فائز آج پہلے کیس کی سماعت کرینگے

قاضی فائز عیسی کے چیف جسٹس بننے کے بعد سپریم کورٹ پریکٹس اینڈ پروسیجر ایکٹ کیخلاف کیس آج سماعت کیلئے مقرر کیاگیا ہے ۔چیف جسٹس قاضی فائز عیسی کی سربراہی میں پندرہ رکنی فل کورٹ کیس کی سماعت کریگا۔سابق چیف جسٹس کی سربراہی میں 8 رکنی رلارجر بینچ نے پریکٹس اینڈ پروسیجر ایکٹ پر حکم امتناع دیا تھا۔سپریم کورٹ پریکٹس اینڈپروسیجر ایکٹ کے تحت عوامی اہمیت کے مقدمات میں بینچوں کی تشکیل کا اختیار چیف جسٹس کے بجائے تین سینئر ججوں کو دیا گیا تھا۔