چیئرمین پی ٹی آئی خود کہتے تھے جیل میں ایک کلاس ہونی چاہیے ، رانا ثنا

وفاقی وزیر داخلہ نے کہا ہے کہ چیئرمین پی ٹی آئی خود کہتے رہے ہیں کہ جیل میں ایک ہی کلاس ہونی چاہیے جیل میں اوپن واش روم ہی ہوتے ہیں ، جن سیلون میں ہم قید رہے وہ بھی ایسے ہی تھے ۔اپنے بیان میں انہوں نے کہا کہ سابق وزیراعظم کو بی کلاس کا حق حاصل ہے لیکن ا س کیلئے انہیں جیل سپرنٹنڈنٹ یا عدالت کو درخواست دینی ہوگی وفاقی وزیر داخلہ کا مزید کہنا تھا کہ درخواست دینے پر اس کے جلد آرڈر ہوجائینگے اور انہیں بی کلاس کی سہولت مل جائیگی۔وفاقی وزیر نے کہا کہ ٹرائل جج نے چیئرمین پی ٹی آئی کو بہت ریلیف دیا انہیں دفاع میں گواہ پیش کرنے کا تیرہ مرتبہ موقع دیا۔