چوہدری شجاعت کی آصف علی زرداری سے ملاقات،نگران حکومت کی تشکیل پر تبادلہ خیال

لاہور:مسلم لیگ ق کے صدر چوہدری شجاعت نے لاہور بلاول ہاؤس میں شریک چیئرمین پیپلز پارٹی آصف علی زرداری سے ملاقات میں نگران حکومت کی تشکیل پر تبادلہ خیال کیا ہے۔تفصیلات کے مطابق دونوں رہنماؤں کی مسلم لیگ ن کی قیادت سے بھی رابطہ ہوا اور پنجاب کی تازہ صورتحال پر تبادلہ خیال کیا۔علاوہ ازیں چوہدری شجاعت نے سندھ میں بلدیاتی انتخابات میں کامیابی پر آصف علی زرداری کو مبارکبادپیش کی۔اس حوالے سے بتایا گیا کہ آصف زرداری اور چوہدری شجاعت کے درمیان ہونے والے ملاقات تقریباً ایک گھنٹہ جاری رہی اور اس دوران چوہدری شائع حسین اور چوہدری سالک حسین بھی موجود تھے۔دونوں رہنماؤں نے اتفاق کااظہار کیاکہ ہم سب کو مل کر پاکستان کے معاشی چیلنجز کو کنٹرول کرنا ہے تاکہ معیشت مضبوط ہوتو سیاست بھی ہوگی۔