پی ٹی آئی میں جو بڑے لیڈر بنتے ہیں انکے استعفے منظور ہوئے،رانا ثناء اللہ

اسلام آباد:وزیر داخلہ رانا ثناء اللہ نے کہا ہے کے سپیکر نے پی ٹی آئی کے ان ا راکین قومی اسمبلی کے استعفے منظور کیے جو بڑے لیڈر بننے کی کوشش کرتے ہیں۔سپیکر قومی اسمبلی کی جانب سے استعفوں کی منظوری اور الیکشن کمیشن کے پی ٹی آئی اراکین کو ڈی نوٹیفائی پر ردعمل دیتے ہوئے وزیر داخلہ نے پی ٹی آئی اراکین کو بیان حلفی جمع کرانے کی پیش کش کی۔انہوں نے کہا کہ پی ٹی آئی کے اراکین اگر سمجھتے ہیں کہ ان کے ساتھ زیادتی ہوئی ہے تو وہ بیان حلفی جمع کرادیں اور بتائیں کہ وہ استعفے دینے کی خواہش مند نہیں تھے۔رانا ثناء اللہ نے کہا کہ جو لوگ اپنے منہ سے بڑی باتیں کرتے ہیں ان کو اپنی باتوں پر دھیان دینا چاہیے،جو بڑے لیڈر بنتے ہیں ان کے بارے میں سپیکر فیصلہ کیا ہے جن ارکان کے استعفے منظور نہیں ہوئے وہ واپس آئیں ہم انہیں خوش آمدید کہیں گے۔