اسلام آباد:پبلک اکاؤنٹس کی ذیلی کمیٹی کے اجلاس میں پاکستان پوسٹ میں 19کروڑ روپے کے گھپلوں کا انکشاف کیا گیا ہے۔پبلک اکاؤنٹس کی ذیلی کمیٹی کا اجلاس کنونیئر برجیس طاہر کی سربراہی میں پارلیمنٹ ہاؤس میں ہوا،اجلاس میں وزارت مواصلات کے ادارے پاکستان پوسٹ کے مالی سال2017-18اور2018-19کے آڈٹ اعتراضات کا جائزہ لیا گیا۔اجلاس کے دوران آڈٹ حکام نے بتایا کہ پاکستان پوسٹ کے17پوسٹ آفسز میں سرکاری خزانہ سے رقوم نکلوانے،اسلحہ لائسنسوں پر جعلی مہریں لگانے،یوٹیلٹی بلز کی ادائیگی سمیت ملٹری اور دیگر ملازمین کو پنشن کی ادائیگی میں فراڈ اور چوری کے58کیسز رپورٹ ہوئے،ان میں زیادہ تر کیسز نیب اور ایف آئی اے کے پاس زیر تفتیش ہیں۔وزارت مواصلات نے کہا کہ بھرتیوں کے کیس میں انکوائری اور ذمہ داری کیخلاف کارروائی کی جاسکی ہے۔
پی اے سی،محکمہ ڈاک میں 19کروڑ کے گھپلوں کا انکشاف
