پہلگام پر ہمیں بھی افسوس، مودی اسرائیل کا حامی اور اس کیساتھ کھڑا ہے: فضل الرحمان

لاہور:جمعیت علما اسلام کے سربراہ مولانا فضل الرحمان نے لاہور میں ملین مارچ سے خطاب کرتے ہوئے کہا کہ پہلگام پر اگر بھارت کو افسوس ہے تو ہمیں بھی ہے، مودی اسرائیل کا حامی ہے اور اس کیساتھ کھڑا ہے۔ پاکستان پر بھارت کے بزدلانہ حملے کی بھی ایک تاریخ ہے، نہتے لاہوریوں نے ان کو ڈنڈے مار مار کر بھگایا یہ بھی تاریخ ہے، اس بار مودی کو ماضی کے تمام واقعات بھلا دیں گے۔
اسرائیل کوئی ریاست نہیں، فلسطین پر زبردستی قبضہ کیا ہوا ہے، امریکا اس جبر اور ناجائز قبضہ کا ساتھ دے رہا ہے، فلسطینی محاذ جنگ پر ہیں اورقربانیاں دے رہے ہیں، اسرائیل جنگی مجرم ہے۔فلسطینیوں کی نسل کشی کررہا ہے، عالمی عدالت نے نیتن یاہو کو مجرم قرار دیکر گرفتاری کا حکم دیا ہے۔