پنجاب کے دریاؤں میں طغیانی، تربیلاڈیم 99 فیصد بھر گیا، ہزاروں ایکڑ پر فصلیں تباہ

لاہور:پنجاب میں شدید بارشوں اور سیلاب کی وجہ سے دریاں میں اونچے اور درمیانے درجے کے سیلاب سے ملحقہ آبادیوں کے ہزاروں مکین نقل مکانی پر مجبور ہو گئے، ہزاروں ایکڑ پر کھڑی فصلیں زیر آب گئیں، درجنوں دیہات سے زمینی رابطہ منقطع ہو گیا، تربیلاڈیم 99 فیصد تک بھر گیا۔فلڈ فورکاسٹنگ ڈویژن لاہور کے مطابق تربیلاڈیم میں پانی کا لیول1549.20 فٹ ریکارڈ کیا ہے جو 99 فیصد جبکہ منگلاڈیم میں پانی کا لیول 1219.40 فٹ ہونے کے بعد 76فیصد تک بھر گیا ہے۔
اسی طرح راول ڈیم کا لیول 1751.70 فٹ، خانپور ڈیم 1979 فٹ، سملی ڈیم کا لیول 2313.90 فٹ ہیادھر دریائے سندھ میں گڈو بیراج پر اونچے درجے کا سیلاب ہے جہاں پانی کی آمد 5 لاکھ 43 ہزار 184 اور اخراج 5 لاکھ 7 ہزار853 کیوسک ریکارڈ کی گئی ہے، دریائے ستلج میں گنڈا سنگھ والا کے مقام پر اونچے درجے اور ہیڈ سلیمانکی پر درمیانے درجے کا سیلاب ہے جبکہ تربیلا کے مقام پر نچلے درجے کا سیلاب ہے۔
اس کے علاوہ دریائے راوی کے اہم مقامات پربہا معمول کے مطابق ہے، دریائے راوی کے ملحقہ نالہ بسنتر میں بہا میں کمی کے ساتھ نچلے درجے کا سیلاب ہے، دریائے جہلم، چناب، کابل اور ناری کے اہم مقامات پر بہا معمول کے مطابق ہے۔ڈی جی خان ریجن کے پہاڑی برساتی نالے سنگھڑ، وہوا اور کوڑا میں بھی بہا معمول کے مطابق ہے جبکہ راجن پور ریجن کے پہاڑی برساتی نالوں میں کوئی بہا نہیں ہے۔