پنجاب پولیس کو مطلوب ملزم کراچی ائیر پورٹ سے گرفتار

ایف آئی اے نے کراچی ائیرپورٹ پر کارروائی کرتے ہوئے پنجاب پولیس کو سنگین جرائم میں مطلوب ملزم کو گرفتار کرلیا ۔ملزم فرانس فرار ہونے کی کوشش کیلئے کراچی ائیر پورٹ پہنچاتھا۔ایف آئی اے امیگریشن کی جانب سے ملزم کو آف لوڈ کرکے فوری طورپر حراست میں لے لیا ملزم رضا کا نام مطلوب افراد کی لسٹ میں شامل تھا۔ملزم کیخلاف کینٹ پولیس اسٹیشن گجرانوالہ میں مقدمہ درج ہے ، ملزم کیخلاف قتل ، اقدام قتل اور دہشتگردی کی دفعات کے تحت مقدمہ درج تھا۔ملزم کو انتہائی مطلوب افراد کی لسٹ میں شامل ہونے پر گرفتار کیاگیا ہے ۔ایف آئی اے امیگریشن نے ملزم کو پنجاب پولیس حکام کے حوالے کردیا ہے۔