پشاور: پولیس چوکی پر شدت پسندوں کے حملے کی کوشش ناکام

پشاور کے علاقے ریگی ماڈل ٹاون کی حدود میں پولیس چوکی پر شدت پسندوں کی جانب سے حملے کی کوشش ناکام بنا دی گئی۔پولیس حکام کے مطابق پولیس کی بروقت جوابی کارروائی کے نتیجے میں 8 سے زائد عسکریت پسند فرار ہونے پر مجبور ہوگئے۔ایس ایس پی آپریشنز کا کہنا ہے کہ شدت پسند جمعہ خان خوڑ کے قریب حملے کی پوزیشن تلاش کر رہے تھے، پولیس نے شدت پسندوں کی کوشش ناکام بنا دی۔ایس ایس پی کا مزید کہنا تھا کہ علاقے میں سرچ آپریشن شروع کر دیا گیا ہے۔