پشاور ، کچرے کے ڈھیر میں دھماکہ ، 10 سالہ بچہ جاں بحق

پشاور کے علاقے خزانہ میں کچرے کے ڈھیر میں دھماکے سے 10 سالہ بچہ جاں بحق ہوگیا۔دھماکہ ہوتے ہی پولیس اور دیگر قانون نافذ کرنے والے اداروں کے اہلکار دھماکے کی جگہ پر پہنچ گئے اور علاقے کو گھیرے میں لے لیا۔اس حوالے سے پولیس کا کہنا ہے کہ بم ڈسپوزل یونٹ کی ٹیم بھی دھماکے کی جگہ پہنچ گئی ہے۔پولیس نے کہا ہے کہ وہ دھماکے کی نوعیت، شواہد اور دیگر معلومات اکٹھی کر رہے ہیں۔جاں بحق بچے کی لاش کو اسپتال منتقل کر دیا گیا ہے۔