پتہ لگنا چاہیے کہ93 اور 99 ءمیں مجھے کیوں نکالا گیا ؟ نواز شریف

نواز شریف نے کہا کہ پتہ لگنا چاہے کہ 93 اور 99 ءمیں مجھے کیوں نکالا گیا ؟ کچھ ایسے عناصر آئے جنہوں نے دوڑتے پاکستان کو ٹھپ کرکے رکھ دیا ۔لاہور میں ن لیگ کے انتخابی ٹکٹ کے امید واروں کے اجلاس سے خطاب کرتے ہوئے نواز شریف نے کہاکہ آج بھی دعا ہے کہ اللہ تعالیٰ اس قوم کو مشکلات سے نکالے ان کا کہنا ہے کہ قوم نے پچھلے چار سال میں بہت مشکل دور دیکھا ہمارے دور میں معیشت بہتر اور ترقی عروج پر تھی ۔نواز شریف نے کہا کہ قوم ادراک کرے معاشی بے نظمی 2019 ءسے شروع ہوئی 2022 تک ملک میں ہر چیز کا بھٹا بیٹھ گیا تھا ۔انہوں نے مزید کہا کہ ہمارے دور میں ہر لحاظ سے معاشرہ آگے بڑھ رہا تھاجب کرنسی غیر مستحکم ہوتی ہے تو ہرچیز غیر مستحکم ہوجاتی ہے۔