ٹیکساس میں 27 ویں شب مذہبی عقیدت واحترام کیساتھ منائی گئی

امریکا کی ریاست ٹیکساس کے مختلف شہروں میں 27 ویں شب لیلتہ القدر مذہبی عقیدت واحترام سے منائی گئی ہیوسٹن میں مسجد الفاروق اور ڈیلس کی مدینہ مسجد ، مکہ مسجد ضیا القرآن دارایمان سمیت متعدد مساجد میں اہل ایمان بابرکت رات کی رحمتیں سمیٹتے رہے ۔مدینہ مسجد میں 27 ویں شب کو میئر کیرلٹن اسٹیو بیبک پولیس چیف رابرٹو ،اریڈونڈو ، فائر چیف مائیکل تھا مسن اور دیگر منتخب نمائندوں نے افطار کیا۔اس موقع پر میئر کیرلٹن اسٹیو بیبک نے روزہ افطار کی دعوت دینے پر مسلمان کمیونٹی سے اظہار تشکر کیا،علامہ بابر رحمانی اور علامہ سراج مصباح نے شب قدر کی اہمیت اور فضلیت پر روشنی ڈالی ۔