میسی یا رونالڈو؟ شاہین شاہد آفریدی نے اپنے پسندیدہ فٹبالر کا نام بتا دیا

لاہور: پاکستان سمیت دنیا بھر سے لاکھوں مداحوں کا پیار پانے والے قومی کرکٹ ٹیم کے فاسٹ بولر شاہین شاہ آفریدی خود ایک فٹبالر کے مداح نکلے۔ پرتگال کے کرسٹیانو رونالڈو اور ارجنٹینا کے لیونل میسی دونوں ہی کھلاڑیوں کا شمار دنیا کے عظیم اور شاندار فٹبالرز میں ہوتا ہے تاہم شاہین میسی کے مداح ہیں۔ فاسٹ بولر نے اس بات کا انکشاف پاکستان سپر لیگ کے آٹھویں سیزن کی ڈرافٹنگ کے موقع پر کیا۔صحافی کی جانب سے کیے جانے والے سوال پر شاہین نے کہا کہ مجھے رونالڈو اور میسی میں سے لیونل میسی پسند ہیں اور میں چاہتا ہوں کہ 18 دسمبر بروز اتوار کو ہونے والے ارجنٹینا اور فرانس کے درمیان فیفا ورلڈ کپ کے فائنل میں میسی کی ٹیم جیتے۔