میئر کراچی نے شہر میں رین ایمرجنسی نافذ کردی

میئر کراچی بیرسٹر مرتضیٰ وہاب نے شہر میں رین ایمرجنسی نافذ کردی ، ممکنہ بارشوں کے پیش نظر اقدام کرتے ہوئے نوٹیفکیشن جاری کردیا ۔میئر کراچی کا کہنا ہے کہ کے ایم سی کے تمام متعلقہ محکمے چوبیس گھنٹے کھلے رہیں گے ۔دوسری جانب مرتضیٰ وہاب نے شہر کے مختلف علاقوں کے انڈر پاسز کا دورہ کرکے بارشوں سے قبل انڈر پاسز کی صورتحال کاجائزہ لیا۔ان کا کہنا تھا کہ کوشش کی جائے کہ بارشوں کے دوران انڈر پاسز میںپانی رکنے نہ پائے ۔محکمہ موسمیات نے کراچی میں آج سے مون سون بارش شروع ہونے کا امکان ظاہر کیا ہے ۔محکمہ موسمیات کے مطابق آج کراچی کے مضافات میں آندھی اور گرج چمک کیساتھ بارش ہوسکتی ہے ۔