ملک میں آج موسم گرم اور مرطوب رہنے کا امکان

ملک کے بیشتر علاقوں میں موسم گرم اور مرطوب رہنے کا امکان ہے ، شمال مشرقی پنجاب ، خطہ پوٹھوہار ، کے پی ، اور شمال مشرقی بلوچستان میں کہیں تیز اور کہیں بلکہ بارش کا امکان ہے ۔کشمیر اور گلگت بلتستان میں بھی تیز ہواﺅں اور گرج چمک کیساتھ بارش ہوسکتی ہے ۔دوسری جانب ملک بھر میں طوفان بارشوں کے بعد دریاﺅں میں سیلابی صورتحال برقرار ہے۔دریائے سندھ میں گڈو اور سکھر کے مقام پر پانی کی سطح بلند ہوگئی ہے ، جبکہ دریائے ستلج میں بورے والا کے مقام پر بستیاں سیلابی ریلے سے متاثر ہوئی ہیں۔