مظلوم کشمیری عوام کیلئے ہماری حمایت ہمیشہ جاری رہے گی، بلاول بھٹو

کراچی:چیئر مین پاکستان پیپلز پارٹی بلاول بھٹو زردارینے یومِ سیاہ کشمیر کے موقع پر اپنے پیغام میں مظلوم کشمیری عوام کیلئے ہماری حمایت غیر متزلزل رہی ہے اور ہمیشہ رہے گی، مقبوضہ وادی میں بنیادی حقوق و آزادی کا مطالبہ کرنے والیعوام کی آواز کو دبانے کی مذمت کرتے ہیں۔
پاکستان اپنے کشمیری بھائیوں اور بہنوں کے ساتھ مضبوطی سے کھڑا ہے، اقوام متحدہ کی قراردادوں میں تسلیم شدہ کشمیریوں کا حق خودارادیت ایک انسانی حق ہے، ایک بنیادی انسانی حق کو کسی بھی ظلم و جبر سے چھینا نہیں جا سکتا، عالمی برادری کشمیر کے تصفیہ طلب بحران کو حل کرنے کیلئے بھرپور اقدامات کرے۔
خطے میں انصاف، امن اور آزادی کیلئے مسئلہ کشمیر کا حل ناگزیر ہے، پیپلز پارٹی کیلئے کشمیر کاز ہمیشہ بنیادی اہمیت کا حامل معاملہ رہا ہے، شہید بھٹو کا کشمیر کیلئے بے مثال وژن آج بھی مشعل راہ ہے، شہید بینظیر بھٹو کی عالمی سطح پر کشمیر کیلئے جدوجہد ہمیشہ یاد رکھی جائے گی۔