مصطفی قتل کیس: مقتول کی قبرکشائی مکمل، لاش سرد خانے منتقل

کراچی: دوست کے ہاتھوں اغوا کے بعد قتل ہونے والے نوجوان مصطفی عامر کی قبر کشائی کے بعد نمونے حاصل کر لیے گئے ۔مصطفی عامر قتل کیس میں عدالتی احکامات کے بعد ڈاکٹر سمیہ سید کی سربراہی اور مجسٹریٹ کی زیر نگرانی مصطفی عامر کی قبر کشائی کی گئی اور نمونے حاصل کیے گئے۔
مصطفی عامر کی قبر کشائی کے لیے تین رکنی میڈیکل بورڈ تشکیل دیا گیا تھا، قبر کشائی کے موقع پر جوڈیشل مجسٹریٹ، پولیس سرجن اور اے وی سی سی حکام بھی موجود تھے جبکہ نمونے حاصل کرنے کے بعد لاش کو سرد خانے منتقل کر دیا گیا